Acción en lexítima defensa
O pasado 8 de marzo, Día Internacional da Muller, sumámonos á loita das nosas compañeiras bolivianas de Mujeres Creando e a súa “acción en lexítima defensa das vidas e liberdades das mulleres” esixindo xustiza para todos os casos de violencia machista contra as mulleres e esixindo que pare a impunidade para feminicidas e violadores e a corrupción xudicial que permite que estes homes queden libres, aínda que teñan unha sentenza firme. É por iso, que veñen de presentar ao goberno boliviano centenares de casos que recompilaron durante semanas, en coordinación con cinco organizacións feministas de Bolivia, esixindo que se reabran e que se dea unha solución xusta caso por caso e para que a xustiza, fronte a estes casos, non sexa algo que se poida comprar, non pode ser unha peregrinaxe de institución a institución sen ningunha solución nin pode ter custos insostibles.
Dende Solidariedade Internacional de Galicia sumámonos ao seu berro; «basta de impunidade e de corrupción. Por unha xustiza feminista e accesible a todas as mulleres!»
Neste vídeo poderás ver o que aconteceu.
A continuación algunhas das imaxes que se produciron durante unha vixilia realizada no adro do Tribunal Departamental de Justicia de La Paz con motivo das protestas.