Con motivo do Día Mundial do Comercio Xusto, celebrado o pasado 8 de maio,  lánzamos a campaña #AquíeAcoláOXusto coa que pretendemos achegar á comunidade galega o aporte deste movemento social á humanización do noso modelo de consumo.

Con esta nova campaña queremos afondar no papel que xoga o Comercio Xusto no empoderamento das comunidades produtoras, a construción de relacións comerciais decoloniais ou a transición ecolóxica.

Para poder achegar o Comercio Xusto á cidadanía galega,  ao longo dos vindeiros meses realizaremos diversas actividades como feiras e obras teatrais nas que participarán, entre outros, os concellos de Fene, Viveiro, Burela, Moaña e Pontecesures.

Neste tempo, contaremos tamén coa colaboración de 17 blogueiros gastronómicos que apoiarán a campaña a través das súas redes sociais.

Este proxecto está financiado por Cooperación Galega da Xunta de Galicia.

Súmate á campaña e comparte o hashtag #AquíeAcoláOXusto.