O pasado 17 de outubro, un equipo de homes e mulleres partiron de A Coruña con rumbo a Honduras para facer da súa profesión, a medicina, un exercicio de Cooperación Internacional que hoxe sentímonos orgullosas de contar.

Son Fina e Minuca, oftalmólogas, Fátima e Minda, xinecólogas, e Luis, traumatólogo e especialista en xestión e planificación sanitaria. Cinco profesionais que decidiron atender a chamada das tres entidades que, dende hai xa dous anos, estamos a traballar en San Marcos de Colón da man da entidade local Sur en Acción nun proxecto que quere contribuír á mellora da saúde integral de 17 comunidades.

Ao longo de 10 días, est@s médicos galegos do CHUAC participaron en procesos formativos con profesionais do país centroamericano, realizaron 870 consultas para a poboación e 83 intervencións quirúrxicas.

Coma sempre foron moitos os esforzos de todos e todas  para que esta experiencia de cooperación internacional fose posible. Dunha banda María e Gloria por parte da nosa entidade, doutra Antón, de Solidaridade Galega, que xunto a Charo, xerente de formación do CHUAC, encargáronse da identificación e selección d@s médicos. José Manuel, de Sólida, viaxou con todo o equipo médico para facilitar e coordinar o traballo en terreo.

Tamén O Club de Leóns de San Marcos de Colón que brindou espazos para desenvolver o traballo médico, mentres que a alcaldía do municipio facilitaba aloxamento aos compañeiros e compañeiras galegas.

Fundamental a labor dos médicos do municipio, Dani e Leo, así como o persoal voluntario de saúde formado no proxecto, que desenvolven unha labor fundamental para que todo isto sexa posible. E como non, o gran equipo de Sur en Acción, que foi capaz de organizarse con todos os actores para que esta visita fora o máis produtiva e enriquecedora posible para todos e todas.

Todo isto grazas ao financiamento de Cooperación Galega da Xunta de Galicia.