CINE NA RÚA E ACTIVISMO RURAL
«O cinema social reúne obras que se alimentan da realidade para influír nela, buscando a reflexión e o cambio na sociedade. Xa sexa na súa versión de longametraxe ou curta, de ficción ou de xénero documental, o cine é un poderoso instrumento que contribúe a visibilizar os proxectos e colectivos cos que traballan, concienciando sobre a súa misión e denunciando problemas sociais.».
Baixo esta premisa, o pasado ano puxemos en marcha unha iniciativa que pretende concienciar sobre as causas da pobreza e as desigualdades, promover a reflexión crítica e coñecer a perspectiva do Sur ante problemáticas globais.
Sempre da man de entidades locais, enchemos de cine as pequenas vilas e aldeas galegas coa proxección de curtametraxes a partir dos cales, debater e reflexionar.
O Castro, Oca ou Celavente xa acolleron esta iniciativa que, nos vindeiros meses, seguirá a percorrer Galicia. Se formas parte dunha asociación e estás interesado/a en organizar unha sesión, escríbenos a direccion@solidaridadgalicia.org.