Esa é unha das preguntas ás que pretende dar resposta a investigación que comezamos hai uns meses e que onte reuniu ao grupo motor que aportará os seus coñecementos e experiencias a este proceso.

A participación é un concepto íntimamente ligado á idea de democracia, e
non exercela supón riscos importantes para a sociedade (actividades negativas ou extremistas, falta de representación política, aumento das diferenzas sociais, etc.), tamén é un dereito fundamental recollido na Constitución Española, na Declaración dos Dereitos Humanos e na Lei 6/2012 de Xuventude de Galicia.

Dende Solidariedade Internacional de Galicia consideramos que estudar e afondar sobre a participación da mocidade galega é relevante, unha condición para o cambio social que permite dar respostas a necesidades e intereses colectivos.

O enfoque do estudo seguirá a metodoloxía da investigación-acción propositiva, incorporando a persoas expertas, colectivos sociais e mozas e mozos na investigación que sexan quen de construír propostas e alternativas que contribúan a aumentar e mellorar a participación da mocidade galega.

Esta iniciativa é posible grazas ao financiamento de Cooperación Galega da Xunta de Galicia.