En 2024, Solidariedade Internacional de Galicia continuou a súa aposta feminista, aportando por un traballo que xere cambios positivos nas vidas das mulleres e promova o dereito de todas a unha vida libre de violencias machistas.

Este enfoque feminista céntrase en accións concretas coma o desenvolvemento ininterrompido de proxectos de Cooperación Internacional en Bolivia e Guatemala da man dos colectivos feministas Mujeres Creando e Mujeres Mayas Kaqla respectivamente, a incidencia no noso territorio a través de iniciativas de Educación para a Cidadanía Global que visibilicen as loitas feministas e o papel determinante das mulleres na promoción de xustiza social e equidade ou a convocatoria anual de Galicia Abriga, primeiro programa galego de acollemento temporal a defensoras de Dereitos Humanos.

Todo este traballo contou, no 2024, co apoio financieiro do Concello de A Coruña que, a través da convocatoria de subvencións destinadas a entidades sen ánimo de lucro para a realización de actividades en materia de igualdade e diversidade, concedeu á nosa entidade un total de 3.238,56 €.