O pasado 11 de decembro, as nosas compañeiras María e Alba estiveron no CEIP María Barbeito e Cerviño de A Coruña cun contacontos ben especial, Irene en Oriente Próximo. 

A través dos 5 sentidos e de maneira teatralizada, todo o alumnado de 2º de primaria puido achegarse a paises coma Líbano, Xordania ou Palestina e coñecer a Irene, unha nena filla de cooperantes que, a través de contos e  lendas populares, amosa os distintos países que ten a sorte de visitar polo traballo dos seus pais.

Irene en Oriente Próximo forma parte da colección CONTOS DO MUNDO, unha iniciativa de educación multicultural que promociona valores coma o respecto e a solidariedade entre nenas e nenos de 6 a 10 anos. Ata agora editáronse cinco libros infantís no marco desta colección, recompilando contos tradicionais de América Central, o Sáhara Occidental, a rexión andina, Senegal e Oriente Próximo

O conto infantil e o teatro son unha canle moi potente para achegar á infancia os valores, a vida e a cultura das persoas doutros lugares do mundo ,moitas veces, descoñecidos para as crianzas.

Esta iniciativa foi posible grazas ao finaciamento do Concello de A Coruña.