DEZ ANOS DE ACTIVISMOS DENDE AS AULAS GALEGAS

0 Comentario
8038 Vistas

E continuamos con esta nova edición de “Activistas polo Mundo que Queremos”, o proxecto de Educación para a Cidadanía Global que se enmarca dentro do “Plan Proxecta” da Consellería de Cultura, Educación e Ordenación Universitaria, financiado pola Cooperación Galega.

O presente curso 2022-2023 está a ser algo especial para o proxecto xa que chega ao seu décimo aniversario. Dez anos nos que participaron máis de 4.300 mozos e mozas de toda Galicia, así como profesores e profesoras dun total de 56 centros educativos.

Os centros participantes nesta décima edición son o IES María Casares de Oleiros e o CPI Alcalde Xosé Pichel de Coristanco, ambos os dous sitos na provincia da Coruña, e outros catro centros da provincia de Pontevedra, que son o IES As Bizocas do Grove, o IES Valadares de Vigo, e dous centros da capital provincial, o IES Montecelo e o IES Luís Seoane.

As actividades enmarcadas nesta iniciativa desenvólvense por catro entidades: Solidariedade Internacional de Galicia, Asociación Galega de Comunicación para o Cambio Social AGARESO, Asemblea de Cooperación pola Paz e a cooperativa Feitoría Verde.

O fin último de todo isto é formar unha cidadanía crítica e activa, que sexa quen de identificar e combater as ameazas arredor da convivencia. Concretamente, os eixos temáticos sobre os que traballará o alumnado serán o medio ambiente, o feminismo, o antirracismo e a defensa dos dereitos LGTBIQ+.

A execución faise en sete obradoiros (paradas) que mesturan a formación presencial coa virtual, e que se desenvolverán ata o mes de abril. Nelas, a rapazada poderá afondar no significado de ser activista, analizará criticamente os medios de comunicación de masas e as redes sociais, afondará nas desigualdades e coñecerá maneiras de actuar na súa contorna, elaborará e gravará guións radiofónicos centrados na temática dos activismos e, para finalizar, encontrarase con activistas do Sur Global, que poderán contarlles en primeira persoa como é traballar en contra das discriminacións nesas outras latitudes nas que os contextos socio-políticos  non sempre son os máis favorábeis para facelo.

Agardamos que este curso estea sendo de proveito para todo o alumnado participante e que este proxecto contribúa á súa educación integral como cidadáns e cidadás do mundo!


II FEIRA DA SOSTENIBILIDADE, por ECO-ETIKA

A semana pasada fomos convidadas a participar de novo na...

HAYDEE CASTILLO, RECOÑECEMENTO INTERNACIONAL ACAMPA 2024

A nosa querida compañeira e amiga, Haydee Castillo, ven de...

Deja tu comentario

  Acepto la política de privacidad

Información sobre protección de datos

  • Responsable: Solidaridad Internacional Galicia
  • Fin del tratamiento: Controlar el spam, gestión de comentarios
  • Legitimación: Tu consentimiento
  • Comunicación de los datos: No se comunicarán los datos a terceros salvo por obligación legal.
  • Derechos: Acceso, rectificación, portabilidad, olvido.
  • Contacto: direccion@solidaridadgalicia.org.
  • Información adicional: Más información en nuestra política de privacidad.