Despois de case dous anos de traballo no municipio de San Marcos, en Choluteca (Honduras) compartimos unha pequena peza audiovisual que resume o esforzo realizado por todos os equipos de persoas implicadas aquí e acolá co obxectivo de contribuír á mellora da saúde integral das 17 comunidades atendidas polo Centro Integral de Saúde (CIS) de San Francisco.

Da análise dos procesos e dos resultados do realizado neste tempo sacaremos aprendizaxes significativas que nos permitan continuar a nosa aposta por garantir un dos dereitos fundamentais de todo ser humano, o goce do grao máximo de saúde que se poida lograr.

Este foi un traballo realizado en alianza con Sur en Acción en Honduras, da man das entidades galegas Sólida e Solidariedade Galega e co financiamento da Xunta de Galicia.