O día 24 de setembro ás 21:00 horas, cine na rúa e activismo rural nos que compartir espazos cos mozos e mozas de Castro (Carballedo, Lugo) da man da asociación O Bubaiño.
A partir da proxección de 3 curtametraxes reflexionaremos sobre distintas problemáticas globais de actualidade e analizaremos posibles propostas dende o activismo xuvenil.
O peche da xornada será a cargo da rapeira nicaraguana MAFE CARRERO, que emprega a súa arte coma medio de protesta feminista, ecoloxista e social.
Esta iniciativa é posible grazas ao financiamento do programa Iniciativa Xove Dirección Xeral de Xuventude, Participación e Voluntariado da Xunta de Galicia.
Se queres participar, escríbenos a info@solidaridadgalicia.org.