O martes 11 de febreiro a partir das 19:00 no edificio multiusos de A Mezquita, organizamos unha cata de chocolate de comercio xusto da man da Asociación Os Tres Reinos.

En que consiste? Aprenderemos que é o cacao e cal é a súa orixe; tipos de cacao así como o seu proceso de elaboración e por último, probaremos chocolates de comercio xusto con diferentes orixes.

A través do cacao aportarase unha mirada global sobre as problemáticas sociais e medioambientais actuais, os Obxectivos de Desenvolvemento Sostible e as relacións de interdependencia e corresponsabilidade como ferramentas de transformación social orientada ao exercicio da participación social das persoas maiores.

Este proxecto está financiado pola Consellería de Cultura, Lingua e Xuventude da Xunta de Galicia a través da convocatoria da asignación do 0,7% do IRPF.

Máis información en: educacion@solidaridadgalicia.org