Este xoves 4 de decembro ás 16:30h terá lugar sede da Fundación Secretariado Gitano unha sesión do proxecto “Ciclo de cine familiar: os dereitos da infancia”, unha iniciativa que busca xerar un espazo de encontro e reflexión para nenos, nenas e familias a través da proxección de curtametraxes e dinámicas participativas nas que fomentaremos os dereitos dos máis pequenos/as como temática transversal, promovendo a cultura da paz, a convivencia familiar e o respecto.
Nesta ocasión contaremos coa participación de familias da Fundación Secretariado Gitano A Coruña.
Este proxecto está financiado pola Consellería de Política Social e Igualdade da Xunta de Galicia a través da convocatoria da asignación do 0,7% do IRPF.
