Este mércores 30 de xullo ás 11:30h terá lugar en Viveiro unha sesión do proxecto “Cine na Rúa e activismo rural: Os dereitos da infancia”, é unha actividade promovida por Solidariedade Internacional de Galicia que convida a nenos, nenas e as súas familias a reflexionar sobre os dereitos da infancia a través do cinema e dinámicas lúdicas. Nunha sesión de cine ao aire libre, proxectaremos curtametraxes que nos axudarán a pensar e compartir nun ambiente participativo e distendido.
Este proxecto está financiado pola Consellería de Cultura, Lingua e Xuventude da Xunta de Galicia a través da convocatoria da asignación do 0,7% do IRPF.
