Co gallo do Día Mundial do Comercio Xusto, todas as persoas que formamos parte de Solidariedade Internacional de Galicia xuntarémonos virtualmente para compartir un café con aroma a Dereitos Humanos e sabor a dignidade.
A partir das 11:30 da mañá os nosos ordenadores substituirán os actos cos que, dende hai xa máis de 15 anos, enchíamos as rúas das principais vilas galegas. Non será o mesmo, o sabemos, pero non podiamos perder a oportunidade!
Solidariedade Internacional de Galicia traballa a prol dun consumo responsable que garanta a sostenibiliade social e ambiental. Coñece a nosa aposta polo Comercio Xusto.