No marco de O Globo, ferramenta pedagóxica que visibiliza e fomenta a participación social, poñemos en marcha unha formación dirixida a profesorado galego e homologada pola Consellería de Educación.

A formación terá unha duración de 20 horas, 12 presenciais (os días 5 de novemebro e 12 de xaneiro na EGAP) e 8 non presenciais, cos seguintes obxectivos:

1.- Adquirir coñecementos teóricos-prácticos sobre a Educacion para a Cidadanía Global e a Axenda 2030 de Desenvolvemento Sostible coma proceso socio-educativo.

2.- Coñecer O Globo (observatorio para educar na cidadanía global) como ferramenta de participación social.

3.- Utilizar a metodoloxía que dende O Globo se impulsa:  Luces (coñecer), Cámara (reflexionar) Acción (actuar) como estratexia didáctica na aula.

4.- Por en practica os coñecementos e as habilidades adquiridas na fase presencial.

5.- Desenvolver na aula unha micro-experiencia de transformación social baixo a metodoloxía de luces-cámara-acción.

6.- Socializar a micro-experiencia elaborada nos espazos de encontro de O Globo.

Se es profesor ou profesora, podes facer a túa inscripción a través deste enlace.

Tamén podes solicitar máis información en sensibilizacion@solidaridadgalicia.org.