Galicia Abriga presenta a súa segunda edición o venres, 3 de outubro ás 11:00 na Biblioteca do Consello da Cultura Galega.

Participarán Milagro Alvarado, Juventina López e Ana Donis, defensoras de Dereitos Humanos que están a protagonizar esta segunda edición do programa galego de acollida temporal a mulleres defensoras de Dereitos Humanos Galicia Abriga, impulsado polas ONGDs Solidariedade Internacional de Galicia, Agareso e Ecos Do Sur, co apoio económico da Xunta de Galicia, do programa europeo Protect Defenders, do Fondo Galego de Cooperación e Solidariedade e dos concellos de Oleiros e Ames. Galicia Abriga conta, ademais, co respaldo da Coordinadora Galega de ONGDs, das tres universidades galegas e dunha ducia de entidades de diversos ámbitos.