A nosa benquerida compañeira Haydée Castillo vén de recibir o “Premio pola Paz 2023”, outorgado pola Asociación de Nacións Unidas de España, co apoio da Deputación de Barcelona.

Haydée Castillo é unha histórica activista e defensora dos dereitos humanos de Nicaragua. Dende 2018 exiliada política en Estados Unidos e dende o 15 de febreiro deste ano 2023, despoxada da súa nacionalidade polo goberno de Daniel Ortega, quen tamén confiscou os seus bens.

A pesar diso, a súa loita continúa dende a diáspora, onde segue a documentar a vulneración dos dereitos humanos en Nicaragua e a denunciar o espolio do territorio.

Castillo foi presidenta do Instituto de Liderazgo de Las Segovias (ILS), entidade que traballou durante anos como contraparte da nosa entidade xunto con Solidariedade Galega e Sólida.

En 2018 o ILLS foi ilegalizado polo goberno de Ortega acusado de financiamento terrorista, un tipo de agresión, o da difamación, que sofren moitas defensoras e que busca controlar ás organizacións que reclaman o final da represión.