A semana pasada fomos convidadas a participar de novo na “II Feira da Sostenibilidade» no IES Luís Seoane de Pontevedra, un evento organizado por Eco-Étika, un grupo de persoas vinculadas ao centro educativo do que participa tanto profesorado coma alumnado e exalumnado co obxectivo de xerar unha reflexión crítica sobre o modelo de consumo actual.

A feira consiste nun encontro coa comunidade educativa, asociacións, empresas e institucións comprometidas co cambio social e o coidado do medio ambiente, creando así un espazo onde compartir e debater ideas para construír cidadanía crítica e activa desde os centros educativos, conscientes das relacións locais e globais para a transformación social.

Foron 2 días moi dinámicos e diferentes nos que contamos cunha caseta de Comercio Xusto pola pasaron máis de 70 estudantes do institutoe no que tamén puidemos desenvolver pequenas intervencións sobre consumo responsable a través dun achegamento ao proceso de cacao.