Hai xa moito tempo que a nosa colección Contos do Mundo visita cada ano bibliotecas públicas de toda Galicia da man do programa de dinamización da lectura en galego Ler Conta Moito.

CONTOS DO MUNDO é unha iniciativa de educación multicultural co que tratamos de promocionar valores coma o respecto e a solidariedade entre nenas e nenos de 6 a 10 anos.

Componse dunha colección de libros infantís nos que Irene, a súa  protagonista e filla de cooperantes, quere amosar a través de contos e  lendas populares os distintos países que ten a sorte de visitar polo traballo dos seus pais.

Tras un ano de parón pandémico, este ano voltamos cunha axenda chea de citas que, ao longo dos vindeiros meses, levará a Irene, ás bibliotecas municipais de Compostela, Soutomaior, Marín, Oleiros e A Mezquita.

Estade atent@s ao noso apartado de eventos que iremos publicando cada sesión para que vos podades achegar!

E, como mostra, a intervención da nosa compañeira Maria Caride hai uns días na biblioteca Manuel María de Oleiros.