Poñemos fin ao proxecto desenvolto nos municipios de Jocoaitique, Meanguera e Arambala, na zona norte de Morazán, departamento de El Salvador, xunto á nosa organización socia Asociación Salvadoreña Promotora de la Salud.

Ao longo destes 18 meses, reforzouse a seguridade alimentaria a través da posta en práctica dos coñecementos adquiridos polas persoas participantes en materia de hortas familiares, produción e consumo de alimentos saudables e consumo local. Esta iniciativa permitiu, así mesmo, fortalecer o traballo da Mesa da Microcuenca á que pertencen os tres municipios e a súa aposta polo liderado comunitario, con especial énfase no liderado das mulleres e o seu protagonismo na protección do medio ambiente. Ao tempo reforzaronse as accións de coidado medioambiental da poboación dos municipios.

Unha das accións levadas a cabo para facer fronte á inseguridade alimentaria que sofre a zona foron os mercadiños móbiles, unha iniciativa que promove o acceso a alimentos saudables cultivados localmente con enfoque agroecolóxico. Os alimentos que alí se venden son produtos xerados nos hortas familiares apoiadas a través do proxecto.

Así pois, estas hortas, ademais de garantir unha mellora significativa na dieta alimenticia, permítenlles ás familias xerar ingresos adicionais a través da comercialización e venta dos produtos nestes mercadiños locais.

Este proxecto levouse a cabo grazas á financiación de Cooperación Galega da Xunta de Galicia.