Hai xa un tempo que vimos traballando nunha nova aposta que moi pronto verá a luz; O GLOBO.

O GLOBO aspira a ser unha ferramenta para a promoción da cidadanía global que albergue e impulse micro-experiencias de transformación social e espazos de intercambio para compartilas e trasladalas á sociedade.  

Este proxecto quere promover novos xeitos de enfrontar problemas e facilitar solucións que requiran de accións colectivas a través de liderados que integren os atributos dunha verdadeira cidadanía global, dende un enfoque feminista, intercultural, ecoloxista e con especial atención á xuventude.

Nestes días estamos á procura de entidades e colectivos sociais cos que reflexionar sobre as características do seu traballo e os retos que supón fomentar unha participación real e transformadora.

A través de sesións grupais e co acompañamento da cooperativa Cidadanía, queremos documentar micro-experiencias de transformación social que sirvan de inspiración e referente.