O Concello da Coruña apoia o labor de S.I. Galicia en Haití

1 Comentario
192 Vistas

O pasado 27 de xullo, María Paz Gutiérrez (Directora de SI Galicia) e Javier Losada (Alcalde da Coruña) asinaron un convenio que contribuirá a continuar o labor de reconstrución da entidade en Haití.

Segundo o devandito convenio, o Concello colaborará cunha aportación de 50.000 euros a un proxecto de cooperación na zona de Bainet, ao sueste de Haití, unha das máis afectadas polo terremoto que arrasou o país en xaneiro pasado e na que, Solidariedade Internacional de Galicia está presente dende o ano 2004.

O proxecto pretende reducir as condicións de vulnerabilidade da poboación afectada polo terremoto mediante a provisión de alimentos ás persoas en situación de refuxio ao tempo que promove o relanzamento do sector agrícola a través da protección dos recursos naturais e a prevención de riscos ante posibles catástrofes.

O proxecto realizarase coa colaboración da Asociación de Técnicos para a Promoción da Agricultura e a Protección do Medio do Sueste (ATEPASE) e pretende reforzar a capacidade de xestión das institucións e organizacións locais construíndo infraestruturas de emerxencia que potencien a actividade despois da crise. Trátase dun proxecto que combina elementos de axuda de emerxencia con traballos de reconstrución e rehabilitación da economía produtiva centrando o traballo en cuestións de seguridade alimentaria que inclúe tanto a distribución de alimentos coma a rehabilitación agrícola, gandeira e pesqueira.


Un cómic contra o cambio climático

Presentación do libro na Coruña Ás 11:00 desta mañá, na...

Un testemuño haitiano en Galicia

O pasado luns, 3 de maio, un representante da sociedade...

1 reply added

Deja tu comentario

  Acepto la política de privacidad

Información sobre protección de datos

  • Responsable: Solidaridad Internacional Galicia
  • Fin del tratamiento: Controlar el spam, gestión de comentarios
  • Legitimación: Tu consentimiento
  • Comunicación de los datos: No se comunicarán los datos a terceros salvo por obligación legal.
  • Derechos: Acceso, rectificación, portabilidad, olvido.
  • Contacto: direccion@solidaridadgalicia.org.
  • Información adicional: Más información en nuestra política de privacidad.