Por Manuela, xustiza e esperanza!

0 Comentario
4450 Vistas

Desde Solidariedade Internacional de Galicia unímonos ao chamado de #HistoriasQueNosCambian , unha iniciativa latinoamericana que loita polo recoñecemento dos dereitos sexuais e reprodutivos das mulleres.

Nunhas horas dará comezo a audiencia na Corte Interamericana de Dereitos Humanos do caso de Manuela e familia VS O Salvador. Manuela foi unha muller salvadoreña condenada en 2008 a 30 anos de prisión por homicidio agravado debido a un aborto que sufriu involuntariamente por complicacións obstétricas no último mes de embarazo. Chegou ao hospital inconsciente, cunha forte hemorraxia, e foi atendida de maneira hostil pola doutora, quen presentou unha denuncia policial contra Manuela acusándoa de practicarse un aborto voluntariamente. Esposada na cama do hospital e aínda recuperándose do trauma físico e emocional da perda, foi sometida a un interrogatorio policial sen a presenza dun avogado e, días máis tarde, detida e encarcerada. Un ano despois, en prisión, diagnosticáronlle un cancro linfático que non foi debidamente atendido, morrendo presa o 28 de abril de 2010.

O Salvador, ten un dos marcos legais más restritivos do continente americano en materia de aborto. Desde 1998, o acceso a este servizo de saúde atópase penalizado en TODAS as circunstancias e en 1999, chegouse a recoñecer na Constitución como persoa a “todo ser humano desde o instante da concepción”. Isto supuxo que, entre o 2000 e 2019, identificáronse 181 casos de mulleres que sufriron emerxencias obstétricas e foron criminalizadas por aborto ou por delito de homicidio agravado, o cal contempla penas privativas da liberdade de ata 50 anos.

É por iso que nos levantamos en contra de toda persecución penal do aborto e a favor da libre decisión das mulleres nos seus corpos. Manuela e a súa familia merecen xustiza e reparación e esiximos que a súa historia non se repita.

Por Manuela, por todas #ManuelaJusticiaYEsperanza .



III PREMIO GALEGO DE EDUCACIÓN PARA O DESENVOLVEMENTO E A CIDADANÍA GLOBAL

Convocatoria aberta! O propósito do galardón é recoñecer experiencias educativas...

COÑECES AS NOSAS TENDAS?

As compañeiras de Comercio Xusto de Solidariedade Internacional de Galicia...

Deja tu comentario

  Acepto la política de privacidad

Información sobre protección de datos

  • Responsable: Solidaridad Internacional Galicia
  • Fin del tratamiento: Controlar el spam, gestión de comentarios
  • Legitimación: Tu consentimiento
  • Comunicación de los datos: No se comunicarán los datos a terceros salvo por obligación legal.
  • Derechos: Acceso, rectificación, portabilidad, olvido.
  • Contacto: direccion@solidaridadgalicia.org.
  • Información adicional: Más información en nuestra política de privacidad.