Non hai nada que guste máis que o cheiro que desprende abrir un libro novo.

Nas nosas tendas contamos cunha ampla variedade de títulos de CATRO VENTOS EDITORA. Unha cooperativa de traballo asociado cuns principios e valores moi afíns a nosa ONGD: sustentabilidade ambiental, traballo xusto, sustentabilidade económica, equidade, cooperación e compromiso coa contorna.

As temáticas que abordan estes libros son diversas: crianza alternativa, consumo responsable, dereitos humanos, ecoloxía e economía social.

Tal e como din dende a propia editorial:

“Queremos espallar en galego as voces que traen os ventos todos sobre todo o que nos parece que exprime un novo modus vivendi para este mundo. Libros e materiais diversos que nos ilustren sobre iniciativas ou reflexións individuais ou colectivas, locais ou globais, redes, comunidades, modelos… tocante ás finanzas éticas, os mercados sociais, o ensino e a crianza respectuosos, as artes e a cultura da xente para a xente, o consumo responsable, cultura cooperativa, a produción e o traballo en horizontal, o lecer e moito máis”