No marco de O Globo, ferramenta pedagóxica que visibiliza e fomenta a participación social, poñemos en marcha unha formación dirixida a colectivos e particulares. «Participación desde abaixo», un espazo que ten por obxectivo afondar nos conceptos e nas ferramentas de participación cidadá, con especial énfase nas experiencias de base: movementos sociais, organizacións comunitarias, iniciativas cidadás, etc., así como promover unha cultura da participación.

A formación ten unha duración de 6 horas, nas que combinaremos o espazo virtual (15 de marzo), a autoformación, e unha sesión presencial (22 de marzo), en Santiago de Compostela. A docente será Ana Lorenzo Vila, socióloga experta en democracias participativas.